aficion-bengalas-bus-recibimiento-abanca-balaidos-vs-girona.jpg
Celtismo

“Animar. Empurrar. Axudar. Sumar. Fora diso non hai nada. Sempre cos nosos”

RC Celta

“Animar. Empurrar. Axudar. Sumar. Fora diso non hai nada. Sempre cos nosos”.

“O domingo tócanos a nós!! Coa nosa forza, temos que axudar ao equipo dende fora a sair desta situación”.

“As treboadas non duran eternamente e tras elas sempre regresa o ceo celeste. Alleos aos rumores no vestiario e despachos, o #celtismo temos que, coma en ocasións anteriores, apoiar aos nosos os 90 minutos sobre a herba o vindeiro domingo en Balaídos”.

Son mensaxes emitidas nas últimas horas por peñas celestes como Irmandiños, Carcamáns ou Colectivo Nós. O RC Celta quere agradecer unha vez máis estas sinceras mostras de apoio, que chegan cando o equipo máis as necesita. Non é casualidade.

Estas emblemáticas peñas, como o resto e a afección celeste, son conscientes da forza da bancada de Abanca Balaídos, que se multiplica cando o equipo atravesa dificultades para acabar arrastrando calquera signo de debilidade ou desfalecemento. Esa forza viviuse en plenitude na Nosa Reconquista e, sen dúbida, rexurdirá ante o Getafe para cambiar a dinámica dun equipo repleto de canteiráns e que loita por devolver ao celtismo a ilusión depositada nel.

Unha vez máis, xuntos, equipo e afección, sairemos adiante.

RC Celta

Etiquetas

Celtismo Novas club O Club Novas club Novas club O Club O Club

Noticias recomendadas