Xa está dispoñible a pre-reserva de entradas para a primeira xornada de LaLiga Hypermotion que enfrontará Cádiz CF e ao Celta Fortuna que se disputará o vindeiro sábado, 15 de agosto ás 19:00h. no Novo Mirandilla. A venda será exclusiva para carné celtista en calquera modalidade e terán un prezo xeral de 20€.
A continuación, explicamos detalladamente como realizar o proceso e cales son os pasos para seguir desde o Portal do Celtista:
-
Pre-reserva e adxudicación
Para optar a unha entrada é necesario realizar unha inscrición no Portal do Celtista e un pago de pre-reserva (5 euros) co obxectivo que as peticións sexan en firme, que se devolverá no caso de non ser seleccionado/a.
Este pago non garante automaticamente a entrada, senón que permite participar no proceso de adxudicación, que se rexe polos seguintes criterios:
75% das entradas asígnanse segundo a antigüidade: tense en conta a media de antigüidade no caso de grupos e a antigüidade individual en solicitudes privados.
25% das entradas adxudícanse mediante un sorteo entre os solicitantes restantes.Unha vez finalizado o proceso de adxudicación, todos os rexistrados reciben un correo informando sobre o resultado da súa solicitude.
Pago final para os seleccionados
Os celtistas que resulten seleccionados recibirán un correo de confirmación o venres 7 de agosto coas instrucións para completar a compra abonando a diferenza respecto á pre-reserva realizada.
Para formalizar a compra, deben seguir estes pasos:
Acceder a o Portal do Celtista e dirixirse ao apartado “Entradas Visitante”.
Completar o pago dentro de un prazo máximo de 24 horas desde a recepción do correo.
Recibirán a confirmación da compra e a información sobre a entrega da entrada.
⚠ Importante: Se o pago non se realiza dentro do prazo indicado, o dereito á compra da entrada perderase e o importe da pre-reserva non será reembolsado.
-
Devolución para os non seleccionados
Aqueles afeccionados que non resulten seleccionados recibirán un correo coa notificación e, de forma automática, o club procederá a o reembolso íntegro do importe da pre-reserva no mesmo método de pago utilizado durante a inscrición.
Confirmación e entrega de entradas
Os seguidores que completen o proceso de compra recibirán un correo de confirmación. É importante lembrar que o comprobante de pago non é válido como entrada.
Neste caso, as entradas serán dixitais. En caso de calquera cambio, o club poñerase en contacto a través do correo electrónico.
Unha vez realizada a compra, non se permiten cambios nin devolucións.
A pre-inscrición para as entradas está dispoñible noPortal do Celtista desde hoxe mesmo ata o venres 7 de agosto ás 12:00h. Lembramos que estas son nominativas e pedirase o DNI xunto coa entrada no acceso ao estadio.
Non podedes perdervos o pistoletazo de saída dunha tempada histórica Feita na Madroa!
