Este domingo, 27 de abril, ás 12:00h, A Madroa será escenario dun encontro crave para este curso de As Celtas. O equipo medirase ao Olímpico de León no último partido en casa da tempada, un duelo directo que pode ser determinante na loita polo ascenso.
O obxectivo está preto, e contar co apoio da afección pode marcar a diferenza. Por iso, desde o club animamos a todos os celtistas a acompañarnos nesta xornada importante. O acceso ao encontro será gratuíto para os posuidores do Carné Celtista, en todas as súas modalidades, ata completar aforo.
Esperámosvos na Madroa!
