O RC Celta quere convidar a todos os afeccionados a unirse ao visionado do partido que os celestes disputarán no estadio Cívitas Metropolitano este domingo 12 de maio. A apertura de portas será ás 15:15 horas, con sesión de DJ a cargo de Iván López para quentar motores antes do Atlético de Madrid – RC Celta das 16:15 horas. Ademais, o Salón Rexio contará cunha mesa quente de comida do Trigal dispoñible durante o partido.
Como en anteriores ocasións, a entrada será libre ata completar capacidade e terá como obxectivo que o celtismo permaneza unido empuxando ao equipo cara ao triunfo neste tramo final da tempada. Vémonos, afección!
