Os capitáns do primeiro equipo Augusto Fernández e Gustavo Cabral acudiron esta tarde á Cervecería Estrela Galicia de Vigo, onde atenderon durante unha hora aos celtistas que se achegaron a coñecer aos dous xogadores celestes. Os futbolistas mostráronse moi próximos cos afeccionados con quen, ademais de sacarse fotos e asinarlles autógrafos, conversaron amenamente.
O Real Club Celta seguirá traballando da man de Estrela Galicia e os seus principais patrocinadores para achegar ao equipo á afección, unha maneira de consolidar a estreita unión entre ambos.
