Os abonados que necesiten suplemento poden retiralo ata o xoves 23 de abril
A oficina de abonados despachou este martes as últimas entradas dispoñibles para o encontro ante o Real Madrid (domingo, 21h). Balaídos presentará un ambiente espectacular nas súas bancadas na visita dun dos rivais máis potentes do continente europeo.
Esta xornada foi designada como ‘Día do Club’, polo que os abonados de tempada que tramitaron o seu carné despois do 17 de xullo e os anuais que o fixeron pasado o 6 de xaneiro deberán retirar un suplemento para asistir a este partido.
O prezo dos suplementos, que poden retirarse até o xoves 23 de abril, mantense respecto de anteriores campañas: 20€ para ADULTOS e 10€ para o resto de categorías, coa excepción dos menores de 8 anos que tan só deberán abonar 5€ para retirar o seu suplemento.
