As taquillas do estadio de Balaídos despachan a bo ritmo as entradas para o partido de debut do RC Celta na tempada 2016/2017, o vindeiro luns ás 20.00 horas ante o Leganés. Para este encontro só hai dispoñibles billetes para a grada de Gol, cuxo prezo é de 20 euros para adulto e de 15 para Sub-25.
Por outra banda, os abonados de Tribuna Alta xa comezaron a retirar as súas entradas de traslado para este partido e na xornada de hoxe completouse o aforo de Tribuna Baixa, polo que as recolocacións estanse xa tramitando en Rio Alto e Baixo. O club recórdalles aos abonados a conveniencia de acudir canto antes a retirar estas entradas para evitar colas o día do partido.
