O RC Celta lanza este xoves a segunda fase da súa campaña de abonados ‘Volver’ con case o 95 por cento de renovaciones xa pechadas. Desde mañá e ata o día 25 do presente mes, o club contactará cos abonados que non renovaron o seu carné para ofrecerlles a posibilidade de continuar na familia celeste.
No caso de que desexen renovar, se lles reembolsará a final de tempada a parte proporcional correspondente ao partido xa disputado fronte ao Atlético de Madrid, do mesmo xeito que aos abonados que solicitaron entrada e non resultaron agraciados no sorteo. As renovacións pódense realizar de xeito sinxelo e seguro en rccelta.es/abonados.
Ademais, os que xa renovaron o seu carné para a tempada 2021/22 poderán solicitar cambio de asento ou bancada, un trámite que poderán realizar nas taquillas de Abanca Balaídos de luns a venres en horario de 10.00 a 14.00 e de 16.00 a 19.00 horas.
Se optan por unha bancada de maior prezo deberán aboar a diferenza e en caso contrario recibirán o reembolso correspondente.
