Quedan pouco máis de 1.000 entradas para colgar o cartel de “esgotado”
O estadio de Balaídos presentará un ambiente espectacular no partido deste domingo ante o Real Madrid (19.00 horas). O ritmo de venda de entradas mantívose na xornada de hoxe, con case 500 billetes expedidos nas oficinas de abonados e os despachos de billetes online.
Tras esgotarse hai días a bancada de Preferencia, á de Gol réstanlle unhas poucas decenas de localidades para encher o seu aforamento. O club lémbralles aos abonados de tempada que renovaron ou se deron de alta despois do 15 de xullo e aos anuais que o fixeron despois do 20 de decembro, que deberán retirar na oficina de abonados un suplemento para este choque antes do xoves 7 de marzo. O prezo deste suplemento é de 20 euros para a categoría adulto e de 10 euros para o resto.
As entradas poden adquirirse de luns a venres na oficina de abonados, en horario de 10:00 a 14:00 e de 17:00 a 20:00 horas, ou a través dos despachos de billetes online as 24 horas do día: www.celtavigo.org/taquillaCelta.
Este partido será Día do Club, polo que os distintos convenios quedan anulados e por iso hai billetes dispoñibles para as bancadas de Gol e Preferencia, xa esgotada, ademais de para as habituais, Río e Tribuna.
Tanto para o encontro ante o Real Madrid como para o do F.C.Barcelona, cuxas entradas están tamén á venda, os prezos son de 60 euros nas bancadas de Gol e Preferencia, de 80 nas bancadas de Río Alto e Río Baixo e de 95 euros na bancada de Tribuna. En categoría Sub-23, o custo das entradas é de 45 euros en Gol e Preferencia e de 65 en Río Alto e Baixo.
|
ENTRADAS |
SUPLEMENTO |
||
ADULTO |
SUB 23 |
ADULTO |
SUB23 |
|
TRIBUNA |
95 |
NON DISPOÑIBLE |
20 |
10 |
RÍO ALTO |
80 |
65 |
||
RÍO BAIXO |
80 |
65 |
||
GOL |
60 |
45 |
||
PREFERENCIA |
ESGOTADO |
ESGOTADO |
||
MARCADOR |
ESGOTADO |
ESGOTADO |
||
FONDO |
ESGOTADO |
ESGOTADO |