As obras de Celta360 seguen avanzando a bo ritmo, coa construción dunha Cidade Deportiva que promete ser un referente en deporte, saúde, educación e sustentabilidade. Carlos Cao, director de infraestruturas e relacións institucionais do Celta, precisa que actualmente os traballos céntranse na fase de movemento de terras, que será clave para as seguintes etapas da obra. “Empezamos en Viveiros Adoa e seguimos cara á zona norte, onde se levantará o novo estadio“, explica Cao. Aínda que o terreo presenta desafíos, o avance é notable grazas a que “as condicións climáticas son favorables, o que permitiu que as obras avancen mesmo máis rápido do esperado”, e estase aproveitando cada paso para preparar o terreo para as futuras edificacións.
O primeiro edificio en construción será o edificio mixto, que albergará instalacións deportivas, unha clínica, un centro de estudos e outro de innovación. Para Cao, esta fase “é fundamental para que o resto do proxecto desenvólvase segundo o planeado. É fundamental para sentar as bases do futuro de Celta360”.
Por último, o director de infraestruturas tamén quixo destacar o papel esencial das empresas colaboradoras, cuxa achega foi crucial desde o principio. “O traballo conxunto foi determinante para cumprir cos requisitos do proxecto”, sinala Cao.
Celta360 continúa avanzando con paso firme, coa mirada posta en converterse nun modelo de innovación e sustentabilidade a nivel internacional. Un proxecto que non só beneficia ao club, senón á sociedade en xeral.
Celta360 avanza! 🤩🔜🏫
Próximamente, nuns dous meses, comezará a construción do edificio mixto:
🔹 Clínica
🔹 Universidade e FP
🔹 Innovación
🔹 Centro de eventos pic.twitter.com/oRHONileIG— CELTA360 (@Celta360) September 6, 2025
