Á vista da resposta da Federación de Peñas Celtistas ao Concello e da ausencia de consulta algunha ao club por parte do Consistorio sobre a situación actual da reforma das dúas bancadas do estadio de Abanca Balaidos, o RC Celta reitera a súa solicitude das seguintes medidas:
- A reforma e adecuación das cubertas das Bancadas de Tribuna e Río para evitar que os abonados e afeccionados se mollen durante os partidos e ademais se protexan do sol.
- A habilitación de accesos cómodos que favorezan o fluxo de entrada e saída dos seguidores nas bancadas de Tribuna Alta e Río Alto e Baixo. E en particular polas vías de entradas insuficientes das dúas bancadas de Río ao non habilitarse portas de acceso novas e que xeran longas colas antes dos encontros.
- A reparación e renovación dos baños de Río Alto e Baixo.
- Ascensores suficientes nas bancadas de Tribuna e Río Alto e Baixo para os abonados e afeccionados e que permitan ademais que os seguidores celestes con discapacidade ou problemas de mobilidade poidan asistir con normalidade á bancada que eles determinen.
- Iluminación acorde coas esixencias de Primeira División.
- Instalacións sustentables e eficientes tanto no aspecto de aforro enerxético como ecolóxico.
- A subsanación inmediata das deficiencias dos asentos das Bancadas de Río Alto e Baixo, cuxa incomodidade é en moitos casos intolerable.
- Subsanación dos problemas de inundacións sufridos de maneira periódica.
- Aparcadoiro cómodo e accesible para os afeccionados e abonados.
O RC Celta reclama, en definitiva, un estadio digno, cómodo e confortable para os seus abonados e afeccionados.
