BILLETEIRA ONLINE | TFNO. ABONADOS 986.21.32.30
Os despachos de billetes do estadio e a web do club activaron a venda de entradas para a visita do Real Madrid. O conxunto merengue, un dos máis potentes do fútbol mundial, mídese ao RC Celta o vindeiro sábado 24 de outubro ás 16:00h en Balaídos. Os prezos dos billetes para asistir a este emocionante encontro mantéñense respecto dos fixados ante o FC Barcelona, con entradas desde 65€ para a categoría ADULTO e desde 50€ para SUB-25.
Este partido enmárcase nos declarados como días do club, polo que os abonados que renoven ou tramiten a súa alta despois do día 3 de xullo deberán abonar un suplemento de 20 euros para a categoría adulto, de 10 para Sub-25, Sub-15 e maior de 65, e de 5 euros para os menores de 8.
O RC Celta anima a todos os celtistas a acudir a este esixente choque no que o empuxe da bancada volverá ser determinante para que os celestes loiten pola vitoria. As entradas poden adquirirse de luns a venres nos despachos de billetes de Balaídos en horario de 10.00 a 14.00 e de 17.00 a 20.00, o día do partido de 10.00 a 16.00 de maneira ininterrompida ou en calquera momento do día en www.celtavigo.org/taquillaCelta.
