A Fundación Celta presenta a oitava edición de Pádel Celeste Adeslas, un dos torneos de pádel máis esperados do ano. A cita será do 25 de abril ao 3 de maio de 2025, nas instalacións de Twelve Padel Zenter en Vigo.
As inscricións estarán abertas ata o sábado 19 de abril ás 19:59h a través da web oficial do club. O sorteo celebrarase o 20 de abril e os cadros estarán dispoñibles na mesma páxina. Tras isto, todos os participantes poderán recoller o seu Welcome Pack en Twelve Padel Zenter.
Categorías:
Haberá un total de 16 categorías divididas en Feminina, Masculina e Mixta, con divisións de 1ª, 2ª, 3ª, 4ª e 5ª, ademais dunha categoría Inclusiva.
Prezos:
– 25€ para o público xeral
– 23€ para socios de Twelve Padel Zenter, carné celtista en calquera das súas categorías e membros da Fundación Celta
– 3€ de desconto na segunda inscrición
Horarios de xogo:
– Luns a venres: 16:00h – 23:00h
– Sábados e domingos: 9:00h – 23:00h
Festa de clausura:
O torneo culminará cunha gran festa o sábado 3 de maio, tras a entrega de premios aos campións e subcampións do cadro principal e aos campións dos cadros de consolación.
Co respaldo do RC Celta, esta edición promete ser tan espectacular como as anteriores, reafirmando o compromiso do club co deporte máis aló do fútbol. INSCRÍBETE AQUÍ!
