986.21.32.30 – 986.21.32.34 – [email protected]
Os despachos de billetes de Balaídos continúan despachando as entradas para a volta de Copa do Rei ante o Sevilla FC (xoves, 20:30, Balaídos), un choque histórico xa que 15 anos despois o RC Celta volve xogar unha semifinal copeira. O club mantén os prezos das entradas respecto da anterior eliminatoria, a dos cuartos de final ante o Atlético, con entradas desde tan só 20€ para ADULTOS e desde 15€ para afeccionados SUB-25. Uns prezos moi atractivos para un dos encontros máis importantes da historia recente do Celta.
Tras o resultado adverso cultivado en Sevilla, 4-0, os celestes afrontan o partido deste xoves co reto de anotar polo menos catro dianas e non encaixar para así forzar a prórroga. Este obxectivo complicado, que non imposible, necesitará da forza e o empuxe da afección celeste, sempre xunto ao equipo nos bos momentos pero, sobre todo, cando máis lla necesita. Os abonados poden acceder ao estadio da maneira habitual, sen necesidade de adquirir ningún suplemento.
As entradas poden adquirirse no despacho de billetes de Balaídos ata o mércores de 10 a 14 e de 17 a 20, o xoves de 10 a 20:30 ou en calquera momento a través de www.celtavigo.org/taquillaCelta.
