O chándal para adulto e outros produtos teñen unha espectacular rebaixa do 40%
Con motivo do Día do Pai, a tenda oficial do Real Club Celta ofrece a partir deste venres un atractivo desconto do 40% nalgúns dos seus produtos téxtiles para adulto.
Os afeccionados poderán beneficiarse desta gran rebaixa na compra do chándal, camiseta de adestramento, anorak e short de adestramento en talles de adulto, todos eles produtos oficiais do Real Club Celta coa garantía de calidade Adidas.
Esta promoción, que non é acumulable a outros descontos, estará vixente ata o día 18 de marzo na tenda oficial do Celta, situada no estadio de Balaídos. O establecemento celeste permanece aberto de luns a sábado en horario de 10 a 14 e de 17 a 20 horas.
