Contra vento e marea, en períodos de bonanza e noutros máis escuros… A afección do RC Celta demostra semana a semana o seu amor por unhas cores e un escudo que levan “tatuados” no máis profundo do seu ser. A última demostración chegou este último fin de semana, cando centenares de celtistas desprazáronse a Valencia para alentar a un equipo que se deixou todo sobre o campo pero que non obtivo o premio desexado.
Ninguén mellor que os afeccionados celestes coñecen o poder da unión bancada-equipo, capaz de dobregar a calquera opoñente e en calquera circunstancia. O espírito de ‘A Nosa Reconquista’ volveu mostrar ao mundo hai uns meses o significado da palabra Afouteza e deixou claro que ‘Xuntos Somos Máis Fortes’.
Este domingo o equipo ten unha oportunidade para dar un golpe sobre a mesa e subir postos na clasificación ante un rival de primeiro nivel, e o apoio e empuxe da afección serán claves para que o tres puntos queden en Abanca Balaídos.
O RC Celta pon desde este martes ás 10.00 horas a disposición das súas abonados entradas especiais para todas as bancadas a un prezo único de 5 euros. A venda será exclusivamente online na web ticketsabonados.rccelta.es e cada socio poderá retirar até un máximo de catro localidades. Todas as entradas serán nominativas e unha vez emitidas non se poderá cambiar o nome do asistente, ao que se lle pedirá a identificación no acceso ao estadio. Ademais, o club tamén pon á venda entradas para o público xeral a partir de 15 euros en tickets.rccelta.es
As billeteiras do estadio abren habitualmente de luns a venres en horario de 10:00 a 14:00 e de 17:00 a 20:00 horas. O domingo 9 de febreiro, día de partido, despacharán entradas desde as 10:00 até as 18:30 horas.
