A resposta dos abonados e afeccionados celestes para o partido deste luns ante a Granada, que pode converterse nun fito histórico para o club, foi extraordinaria e as entradas esgotáronse en tan só dous días. A última hora da tarde vendéronse os últimos billetes e, se os abonados celestes acoden en masa, Balaídos rexistrará unha excepcional entrada.
Trátase dun encontro certamente especial enmarcado nunha tempada fantástica na que se bateron rexistros históricos como o de mellor visitante. O apoio da bancada será vital para que o Celta sume unha vitoria crave neste tramo final de competición.
