No 25 de xullo unímonos a todos os galegos para celebrar o día da terra que nos veu nacer
Hoxe 25 de xullo galegas e galegos celebramos o ‘Día Nacional de Galicia’. O RC Celta, orgulloso da terra que lle viu nacer, dos seus valores, as súas tradicións e a súa xente, seguirá defendendo as cores de Galicia, o celeste e branco, coa mesma honra e paixón coa que o fixo durante décadas. O club vigués súmase aos festexos e celebracións neste día tan especial e non quere deixar pasar a ocasión para lembrar a todas as persoas que tristemente nos deixaron hai dous anos no tráxico accidente ferroviario de Angrois.
