O RC Celta finalizou este venres o proceso de recolocación dos socios da Bancada de Gol. Tras varias reunións cos abonados para solicitar a súa opinión, iniciouse hai unhas semanas este proceso solicitándolles que se agrupasen para comezar o traslado.
A orde de cambio realizouse segundo a antigüidade media do grupo ou, se o cambio era individual, segundo a antigüidade individual do abonado.
Os coordinadores de cada grupo foron citados telefonicamente de forma personalizada para a recolocación en tan só 5 días para poder ter os seus novos carnés listos para o partido que nos enfrontará ao CD Leganés. Principalmente recolocouse aos abonados ás zonas de Río, Marcador Alto e Tribuna Baixa córner.
Co proceso de obra comezado, a partir do próximo partido, o aforo actual do estadio quedará reducido a 20.739 butacas, aínda que este número pode ir oscilando en maior ou menor número en función da súa evolución, non só pola Bancada de Gol senón polas zonas de Río e Tribuna máis próximas á zona de Gol que se verán afectadas durante o obra.
O RC Celta quere agradecer a colaboración e comprensión do celtismo durante todo este proceso.
