Marco Garcés, Director do Fútbol do RC Celta, presentou, nunha rolda de prensa no Salón Rexio de A Sede, a reorganización e organigrama da área de fútbol do club. Estivo acompañado polos responsables de cada área: Edu Covelo, director de metodoloxía; Álex Otero, director de Scouting; Álex Andújar, director C&D e Míchel Martínez, director de administración.
Marco Garcés destacou a importancia da reorganización para fortalecer a estrutura do club, impulsar o seu rendemento deportivo e optimizar o seu funcionamento en todos os niveis. “Estamos enfocados en construír un futuro exitoso para o club e estas medidas son un paso importante nese camiño”.
