Abanca Balaídos abriu as súas portas unha tempada máis co incondicional apoio de todo o celtismo. No primeiro partido celeste de LALIGA EA Sports 24/25 contra o Deportivo Alavés, 22.477 afeccionados encheron as bancadas para animar e levar aos nosos á primeira vitoria do curso.
A maior fortuna do club é contar cunha afección chea de AFOUTEZA e CORAZÓN, e é un enorme orgullo saber que, un curso máis, estades aí apoiando ao equipo. GRAZAS!
Sodes parte fundamental deste club, o voso alento e calor é o que lle dá vida a Abanca Balaídos, por iso a continuación tedes a galería coas mellores fotos das bancadas, nas que seguro atoparedes algunha cara coñecida.
