A histórica visita do RC Celta a México, onde esta noite medirase a Pumas no Estadio Olímpico Universitario, xerou unha enorme expectación entre os afeccionados e medios de comunicación do país. Foi palpable na chegada do equipo celeste ao aeroporto de Ciudad de México, recibido por decenas de xornalistas e seguidores, e tamén na comparecencia, organizada polo club e LaLiga, do presidente celeste, Carlos Mouriño, ante unha vintena de medios de comunicación, entre eles os de maior dimensión do país.
Tras unha intervención inicial centrada na evolución do RC Celta desde a súa chegada, Carlos Mouriño atendeu aos xornalistas nun ambiente distendido e ameno, con numerosas preguntas sobre a historia e actualidade celeste que deixaron patente o enorme interese que esperta o RC Celta en México.
