O dianteiro do RC Celta Iago Aspas será este ano o protagonista do sempre espectacular e esperado acendido da iluminación do Nadal do Corte Inglés de Vigo, que terá lugar o venres 25 do presente mes de novembro ás 19.00 horas.
As actividades que envolven a este acto, referente no arranque do Nadal vigués, comezarán na contorna dos grandes almacéns situados en Gran Vía ás 18.30 horas e entre elas figuran un concerto de Magín Blanco, a chegada de Papá Noel e un espectáculo de fogos artificiais.
