Iago Aspas recibiu na previa do partido do RC Celta ante o Atlético de Madrid en Abanca Balaídos o XII Trofeo Manuel de Castro by ‘Estrela Galicia 2022’, que premia ao mellor xogador do equipo cada ano. O dianteiro recibiu o galarón de mans de Juan de Castro e Pedro de Castro netos do Fundador do Club Manuel de Castro Hándicap. Ademais participou Breixo Solla García, abonado do RC Celta seleccionado entre todos os votantes no premio ao mellor xogador organizado polo club e a Fundación Celta grazas aos votos da afección na internet, xornalistas, penas e os seus propios compañeiros.
Iago, gañador do XII Trofeo Manuel de Castro by Estrela Galicia.
