O RC Celta debutará na tempada 2021/22 o domingo 15 de agosto ante o Atlético de Madrid no Estadio Abanca Balaídos cun número de espectadores limitado polas autoridades sanitarias. Segundo estableceron o goberno central e a Xunta de Galicia, para este encontro poderase completar o 40 por cento do aforo do estadio.
Para premiar a fidelidade e constancia dos abonados, o 50 por cento das entradas dispoñibles outorgaranse aos abonados con maior antigüidade que soliciten a asistir ao partido. A outra metade das butacas adxudicarase mediante sorteo entre o resto de abonados que se inscriban
Os abonados que desexen asistir a este partido deberán solicitar as entradas nunha páxina web habilitada para tal efecto desde o martes ás 16.00 horas ata o xoves ás 20.00 horas.
Entre a tarde do xoves e a mañá do venres, o club comunicaralles por correo electrónico aos abonados inscritos si adxudicóuselle ou non unha entrada para o encontro.
Os abonados que dispoñan de entrada acudirán á súa grada, pero, debido ás medidas de seguridade, non á súa butaca. En caso de esgotarse o aforo desa bancada, asignaráselles o da seguinte categoría con butacas dispoñibles.
A aqueles abonados que soliciten entrada e non se lle asigne recibirán a final de tempada o reembolso correspondente.
