O RC Celta tivo a honra de recibir aos operadores internacionais de LALIGA durante a emocionante semana do encontro contra o FC Barcelona, que se disputou o pasado sábado 17 de febreiro. Os distinguidos invitados de LALIGA EXPERIENCE para este partido incluíron a TV4 Suecia, encabezado polo influencer Christian Skogsgardh, coñecido como Chrille, acompañado por dous xornalistas da cadea. Desde TV2 Sports Noruega, o carismático Kasper Kvello, comentarista de LALIGA e galardoado como influencer deportivo do ano en Noruega, formou parte da comitiva. Así mesmo, Bassel Tabbal, recoñecido correspondente de beIN Sports MENA, tamén se sumou á expedición.
Durante a visita, o Real Club Celta compartiu de preto a súa metodoloxía de traballo tanto co primeiro equipo como coa canteira, con excursións pola Cidade Deportiva Afouteza, A Madroa, e Abanca Balaídos. Os representantes dos broadcasters tiveron a oportunidade de entrevistar a Strand Larsen, Carl Starfelt e Williot Swedberg, participando ademais en orixinais retos. A visita incluíu experiencias culinarias no Silabario e a visita ao Real Club Celta Zorka de baloncesto, proporcionando aos operadores de LALIGA unha experiencia enriquecedora que busca difundir a nivel global o sentimento, a afouteza e o corazón que caracterizan a este club e á súa comunidade celtista.
Descobre neste último Inside do RC Celta como foi a visita de LALIGA Experience e como se viviu desde dentro o Celta – Barça!
