O inicio das obras de remodelación do estadio obriga á reubicación dos abonados desta bancada
As obras de remodelación de Balaídos iniciaranse tras o partido de Liga ante o Atlético de Madrid, programado para o domingo 15 de febreiro. A reforma integral do estadio comezará por Preferencia/Tribuna e estímase que esta bancada estará finalizada para o comezo da próxima tempada.
Ante a necesidade de pechar a bancada de Preferencia para acometer os labores de reforma, os abonados con butacas nesta bancada serán recolocados en Río Alto e Río Baixo, en función da situación que ocupan actualmente na súa bancada. Os abonados afectados deberán pasar pola oficina de abonados do club en Balaídos entre o 19 e o 28 de febreiro (sábados 21 e 28 incluídos) (sábado 28 incluido) en horario de 10 a 14 e de 17 a 20 horas para recoller os seus carnés actualizados, cos que poderán acceder ás súas novas localidades desde o encontro de Liga ante o Elche CF (luns 2 de marzo).
O club agradece aos abonados a súa colaboración e a súa comprensión ante este traslado, necesario para poder gozar nun futuro próximo do Balaídos que o celtismo merece.
ESTA MEDIDA AFECTA AOS ABONADOS DE TODA A BANCADA, INCLUIDOS OS DE PREFERENCIA LATERAL
