O Celta sumar ao Black Friday deste ano cun desconto exclusivo para os seus abonados, dispoñible os próximos 25, 26 e 27 de novembro na tenda oficial de Balaídos e na de El Corte Inglés de Vigo.
Todos os abonados que presenten o seu carné en calquera dos dous establecementos durante os días da promoción beneficiaranse dun 5% de rebaixa adicional sobre o 10% habitual e, ademais, participarán no sorteo da camiseta Adidas coa que o equipo celebrou a clasificación á Europa League, unha peza exclusiva e histórica que conta co autógrafo de Iago Aspas.
O Celta premia con promocións como esta, exclusiva para os seus abonados, a fidelidade dos afeccionados celestes que cada tempada renovan o seu carné e o seu compromiso inquebrantable co club.
A tenda abre habitualmente de luns a sábado en horario de 10 a 14 e de 17 a 20 horas. O domingo 27 de novembro, día de partido de Liga ante a Granada, abrirá de 15:30 a 18:30 horas. A promoción estará dispoñible en El Corte Inglés de Vigo o venres 25 e sábado 26 de 10 a 23 horas.
