O Celta deixou escapar o tres puntos do derbi galego no último suspiro. Os celestes adiantáronse no primeiro tempo cun gol de Maxi Gómez, o décimo quinto do uruguaio esta tempada, un tanto de cabeza que puxo en pé a todo Balaídos. O partido comezou con dominio vigués e con moita intensidade, pero co avance do cronómetro o choque perdeu frescura e vistosidade. O Deportivo tivo un par de ocasións, frustradas por un gran Sergio Álvarez. Cando todo parecía sentenciado apareceu Lucas Pérez para pór o gol do empate, no minuto noventa.
FICHA TÉCNICA
1-CELTA: Sergio, Hugo Mallo, Cabral, Sergi Gómez, Jonny, Lobotka, Wass (Roncaglia, min.89), Jozabed, Brais (Tucu, min.77), Sisto, Maxi (Boyé, min.63).
1-DEPORTIVO: Rubén, Juanfran, Albentosa, Schar, Luisinho, Guilherme, Krohn-Dehli (Andone, min.75), Celso Borges, Çolak (Fede Valverde, min.46), Adrián (Borja Valle, min.61), Lucas.
Goles: Maxi Gómez (1-0, min.13); Lucas Pérez (1-1, min.90).
Árbitro: Del Cerro Grande, do comité madrileño. Amonestou a Maxi Gómez, Hugo Mallo, Boyé, Sisto (Celta); Luisinho, Schär (Deportivo).
Campo: Balaídos (20.816 espectadores).
