Esta semana, as instalacións deportivas da Madroa foron o escenario do tradicional partido de Nadal entre os empregados, diferentes representantes dos medios de comunicación, patrocinadores e membros de Celta Empresas.
Como adoita ser habitual, as baixas temperaturas non amedrentaron a un equipo de valentes que non quixeron perderse a cita cunha tradición celeste que une a diferentes sectores do club co obxectivo de dar o pistoletazo de saída ás festas do Nadal nun ambiente de confraternización, diversión e deportividade. Este encontro, que forma parte das actividades do club Celta Empresas, permitiu compartir unha mañá moi especial, reforzando os lazos de comunidade e conexión que nos unen.
Todos xuntos gozaron un ano máis dun partido que sempre saca o mellor de cada un, e algún que outro pique tamén. Finalmente, a vitoria quedou na casa e foi un dos equipos formados polos empregados do club o que se levou o triunfo nunha final moi axustada. Pero, máis alá dos méritos, o importante é gozar todos xuntos dunha mañá de unión e bos desexos para o novo ano, que seguro virá cargado de éxitos.
Tras a entrega de premios, todos os participantes reuníronse en Abanca Balaídos para o pincho de Nadal. Alí realizouse unha breve charla sobre os fitos do club na última tempada e gozouse dunha sorpresa: o ronqueo dun atún vermello, que engadiu un toque único e festivo á experiencia.
O Celta quere agradecer a La Cultural Bruch, Sande, Treintayseis, Roxo e Estrella Galicia por patrocinar o evento e a todos os participantes por permitir manter viva esta tradición.
Moi felices festas e… ata o ano que vén!
