O Real Club Celta lucirá o trisquel na parte posterior da camiseta nos partidos da Europa Legue. Tras as xestións que realizou o club, a UEFA autorizou o uso deste símbolo da cultura celta nos equipamentos, como vén ocorrendo na liga desde hai xa varias tempadas.
O trisquel formará parte da camiseta celeste xa no próximo partido da UEL ante o Ajax de Amsterdam, que se disputará o xoves da próxima semana. Nos partidos da fase de grupos, este símbolo estará situado exactamente no mesmo lugar da camiseta que nos partidos de Liga. Se o RC Celta accede á seguinte fase, o trisquel situarase lixeiramente máis arriba, próximo ao pescozo da camiseta, para cumprir coas esixencias de UEFA.
O RC Celta quere expresar a súa satisfacción polo éxito das súas xestións e o regreso á camiseta en competición europea deste reconocible símbolo da cultura celta.
