Balaídos acolleu un emotivo acto en homenaxe aos abonados que cumpren 50 anos de antigüidade
O RC Celta homenaxeou esta tarde a 19 celtistas exemplares que cumpriron 50 anos como abonados do club. O Museo do Celta en Balaídos acolleu un emotivo acto no que o presidente céltico, Carlos Mouriño, entregou a Insignia de Ouro a cada un dos homenaxeados como recoñecemento á súa fidelidade e á súa inquebrantable militancia celtista: “Sodes un orgullo para o RC Celta”, remarcou Carlos Mouriño.
Tras finalizar o acto de imposición das insignias, ao que asistiron os integrantes do consello de administración do club, os capitáns e o corpo técnico do primeiro equipo, realizouse a tradicional foto de familia sobre o céspede do estadio de Balaídos.
Os abonados homenaxeados son: Pilar D. Méndez Bautista, Isabel Somoza Quintas, Marcelino Oterino Rodríguez, Manuel Cao Salamanca, José Carballo González, Eugenio Freire Rodríguez, Alejandro Rodríguez Covelo, José A. González Alonso, José Ramón Mumary Araujo, Aniceto Comesaña Fernández, Julián Trapero Fraga, Alberto Darriba Durán, Paulina Rial Vila, José Couso Villaverde, Antonio Alonso Alonso, Emilio Casa Vargas, Cándida Quiroga Carballo, José M. Novo Álvarez e Eugenio González Gómez.
