O RC Celta pon en marcha o día 16 do presente mes de decembro a campaña de abonados anuais que, como durante o pasado verán, conxela prezos para potenciar o mellor activo do club: a unión de equipo e afección. Para seguir pertencendo á familia celeste, os abonados poderán renovar o seu carné a partir do día 16 e até o 31 de decembro. As renovacións e novos carnés, que non deberán abonar cota de alta, tramitaranse exclusivamente online e nos caixeiros de Abanca unicamente nas mencionadas datas. As billeteiras do estadio atenderán só as tramitacións da categoría de maiores de 65 anos, ademais das renovacións con financiamento de varios abonos de maneira conxunta.
Os prezos dos abonos non sufrirán incremento algún e manteranse por tanto os establecidos fai dúas campañas, en 2017. Os abonados disporán dun desconto do 5 por cento e non deberán retirar suplemento os días do club. Poderán gozar tamén dun 10 por cento de familiar ou accionista até un máximo do 15 por cento. O prazo para renovar ou tramitar un novo alta finaliza o 31 de decembro para non solaparse coa venda de localidades de face aos seguintes partidos do RC Celta.
Última campaña
Esta será a última campaña de abonados anuais. Co obxectivo de mellorar e unificar o proceso de altas e renovacións nunha única campaña, este será o último ano no que se poderá tramitar a renovación anual. En decembro de 2020 todos os abonados serán de tempada e terán que tramitar un abono de seis meses, até xuño de 2021, momento no que pasarán a renovar ao comezo de cada tempada nas mesmas condicións que o resto de abonados o club.
Os detalles e as condicións desta campaña, que tamén inclúe os métodos habituais de financiamento, pódense consultar na web istovaidecorazon.com.
