O RC Celta e a súa Fundación viviron hoxe unha emotiva xornada, unha experiencia inesquecible que sempre xera un aluvión de emocións: a tradicional visita do Nadal á planta de Pedriatría e as Urxencias do Hospital Álvaro Cunqueiro. Os xogadores do primeiro persoal, o corpo técnico e a presidenta do club, Marián Mouriño, ademais doutros responsables da entidade, acudiron ao centro sanitario e entregaron diversos agasallos do Nadal aos pequenos, que responderon un unha desbordante ilusión.
Os futbolistas visitaron aos pequenos nas súas habitacións, onde asinaron autógrafos e entregáronlles diferentes agasallos. Este entrañable evento é sempre moi especial para o club e a súa Fundación, que reciben como o mellor agasallo do Nadal a felicidade e alegría dos nenos hospitalizados nunhas datas tan sinaladas.
