DAZN estréase como operador cos dereitos de retransmisión dos partidos de Primeira División co RC Celta – RCD Espanyol deste sábado en Abanca Balaidos. A presentación deste acontecemento, o primeiro partido que se emitirá na historia nesta plataforma, celebrouse esta mañá no Salón Regio de A Sede coa participación do presidente do RC Celta, Carlos Mouriño, o produtor executivo de fútbol de DAZN, Pablo Pinto, e o xogador celeste Iago Aspas.
No evento tivo lugar un importante anuncio, que sen dúbida satisfará á afección celeste: o ex porteiro céltico Sergio Álvarez será un dos comentaristas dos partidos que emitirá DAZN ao longo da tempada.
O acto concluíu cun intercambio de agasallos entre RC Celta e Dazn con motivo desta nova relación.
