O RC Celta e Luis Campos separan os seus camiños. O club e o asesor deportivo externo alcanzaron un acordo para a desvinculación do portugués, quen iniciou a súa etapa celeste en marzo do ano 2022. O RC Celta quere expresarlle a Luis Campos o seu agradecemento polo traballo realizado durante o último ano e medio e desexarlle un gran éxito no futuro.
A saída do portugués non afectará á planificación deportiva inminente cunha estrutura que será liderada coa incorporación dun novo Director de Fútbol, cun rol e un modelo diferentes ao de Campos, xa que estará presente de maneira permanente no día a día.
