O RC Celta lanza unha nova App do Celtista, substituíndo á anterior aplicación dispoñible, deseñada para xerar unha comunicación máis estreita entre o club e os afeccionados. Unha nova plataforma que ofrece unha experiencia híbrida, sinxela e accesible mediante a cal se optimizará a venda dixital e facilitarase todo o proceso de xestión aos celtistas abonados e carné celtista (carné dixital, cesión de abonos, petición de entradas fóra de casa etc.)/ etc.).
A App, xa dispoñible para dispositivos IOS e Android, poderase utilizar de maneira anónima para aqueles que desexen acceder a información básica do club, como noticias ou datos estatísticos da tempada deportiva. Con todo, o rexistro será necesario para acceder á tenda oficial, o portal do celtista ou outras áreas con servizos especializados.
Para aqueles que teñan carné celtista e queiran gozar dos servizos do carné na APP, deberán ter o mesmo email asociado á súa conta no portal celtista.
Mediante esta aplicación, os afeccionados poderán estar ao día de toda a información en torno ao club. Grazas aos datos obtidos de Besoccer, a app ofrece todas as novidades e o rendemento de cada xogador do RC Celta, do mesmo xeito que os resultados actualizados de cada xornada, todas as estatísticas obtidas e todas as datas do calendario do equipo.
Por outra banda, tamén se poderá acceder a toda a información relacionada coa Celta Fortuna e de As Celtas para que os afeccionados non se perdan absolutamente nada acerca da actualidade.
Ademais, poderanse visualizar todas as noticias e comunicacións que o club publica mediante a súa web oficial. A partir de agora, a aplicación dará acceso directo a todas as noticias que estarán ordenadas cronoloxicamente e tamén haberá un apartado de noticias destacadas para ter ao alcance da man a información máis relevante.
Todas estas novidades e moitas máis sorpresas que xa están dispoñibles na App do Celtista, que poderás descargar tanto en AppStore como en Google PlayStore. Unha aplicación accesible e para todos que ofrece a posibilidade de configurala en español, galego ou inglés.
Esta App configurouse para que, de forma evolutiva, váianse engadindo cada vez máis servizos aos celtistas.
Mediante esta nova plataforma, o RC Celta dá un paso máis na súa dixitalización creando unha canle de comunicación directo para que todos os celtistas vivan o día a día do club dunha maneira sinxela, rápida e a tan só un clic.
