O RC Celta dispón dunha nova casa de apostas oficial tras o acordo alcanzado con bet365, que desta maneira inicia unha estreita colaboración co club que se desenvolverá principalmente a través de soportes televisivos e dixitais e experiencias vip no Estadio Abanca Balaidos.
Este acordo con bet365 foi posible grazas ao crecemento e expansión do club e da marca RC Celta, avalados por uns magníficos datos de audiencias televisivas e das canles dixitais do RC Celta e polos novos programas de experiencias únicas a raíz do traballo do RC Celta na creación de novos espazos e instalacións específicas no estadio celeste.
