O RC Celta participa de maneira activa nas reunións de traballo, que se desenvolven no Centro de Convencións do parque temático Port Aventura, de ‘ LaLiga Impulso’, o proxecto conxunto de LaLiga e o fondo internacional CVC para potenciar o crecemento dos clubs e a competición.
A este primeiro encontro acudiron máis de 350 profesionais, entre directivos e equipos de traballo, dos 39 conxuntos de Primeira e Segunda División que se sumaron a esta iniciativa, entre eles, unha representación do RC Celta co obxectivo de coñecer a fondo as posibilidades de crecemento e mellora global que lle ofrece ao club este proxecto.
