O xefe dos servizos médicos do Real Club Celta, Juan José García Cota, será un dos protagonistas dun prestixioso congreso internacional sobre as estratexias da mediciña e a traumatoloxía deportiva para a recuperación de lesións no fútbol, que terá lugar entre os días 9 e 11 do presente mes de abril en The Queen Elisabeth Conference Centre, en Londres, onde se darán cita especialistas de todo o mundo.
O doutor Cota impartirá este sábado unha conferencia sobre os criterios que se deben aplicar para permitir a un xogador o regreso á competición logo de sufrir un esguince de tobillo non tratado quirúrgicamente nun congreso no que participarán médicos procedentes de países como Estados Unidos, Xapón, Italia, Francia, Inglaterra, Alemania, Noruega, Nova Zelanda, Canadá, Holanda ou Suiza.
Entre os temas que se analizarán neste encontro figuran medicina rexenerativa, rehabilitación, epidemioloxía, seguementos de lesións musculares e de tendóns ou exercicios funcionais durante o tratamento.
Trátase da XXV edición dun congreso que se converteu en referente mundial na medicina e traumatolxgía deportiva coa participación dos máis reputados especialistas de todo o mundo.
