O Celta expresar a súa gratitude ao celtismo polo recibimiento ao equipo e o seu alento ante o Córdoba
Orgullosos do noso: orgullosos dos nosos. O lema da campaña de abonados cobrou pleno sentido na xornada de onte. Máis aló de manifestar o seu sincero agradecemento, o Real Club Celta quere expresar o inmenso orgullo que lle produciu o recibimiento ao equipo e o apoio da afección. Orgullo dun celtismo que respondeu co alma nun momento especialmente compricado e difícil, que supliu cos seus propios latexos o cansazo e coa súa fe calquera atisbo de dúbida na vitoria.
O desgaste que xera na confianza e a autoestima unha longa racha de partidos sen vitorias foi devorado pola afección celeste cun recibimento ao equipo espectacular, un xeneroso apoio, plausible en calquera momento, admirable cando os resultados tenden a transmitir desencanto ou decepción. Lonxe de caer neses sentimentos, o celtismo encheu a rúa Manuel de Castro de ilusión e enerxía.
O apoio ao equipo foi constante durante o partido, gratificante e xeneroso co bo xogo, pero o que define á afección celeste non son os aplausos tralas boas xogadas, senón como animou sen desmaio nos momentos nos que o equipo acusaba o cansazo e a tensión.
O triunfo ante o Córdoba foi moi importante a nivel anímico e ata clasificatorio, pero sobre todo foino porque deixou constancia de que este equipo xamais camiñará só e reafirma unha máxima xa instalada na vida celeste: Xuntos conseguirémolo. Grazas afección. #Orgullososdosnosos
