O RC Celta poñerá a disposición de abonados e Federación de Peñas un total de 1.400 entradas para o partido de UEL que o equipo celeste disputará o vindeiro xoves ante o Standard de Liège. O prezo destas entradas, que corresponden á zona visitante, será de 25 euros. Os abonados poderán reservalas este sábado e o luns presentando o carnet de abonado e o DNI nas taquillas do estadio de Balaídos, onde poderán recollelas o vindeiro martes, día no que se recibirán os billetes.
O horario das taquillas será este sábado de 10.00 a 13.00 horas e a partir do luns de 10.00 a 14.00 e de 17.00 a 20.00 horas.
