Os abonados do Real Club Celta poderán reservar o luns e martes da próxima semana nas taquillas de Balaídos entradas para o partido do sábado ante o Real Madrid no Santiago Bernabeu. As entradas, cuxo prezo é de 35 euros, corresponden á grada visitante e venderanse con carácter nominal exclusivamente a abonados, que deberán presentar o seu DNI e carnet do RC Celta para realizar a reserva. As entradas poderán recollerse nas propias taquillas o xoves e venres desa mesma semana. O horario de venda nas taquillas de Balaídos será de 10 a 14 e de 17 a 20 horas.
