A Cidade Deportiva Afouteza abre as súas portas para os abonados do RC Celta, que poderán coñecer estas magníficas instalacións nos próximos días con visitas guiadas para descubrir todos os detalles dunha cidade deportiva que supón un paso adiante inmenso par o club.
Debido ás medidas sanitarias que deben aplicarse por mor da pandemia, as visitas realizaranse en grupos de cinco acodes, que coñecerán as instalacións de primeira man guiadas por persoal do club e sempre nun horario que non interfira cos adestramentos do primeiro equipo.
Os horarios e datas deste tour pola nova cidade deportiva para as próximas semanas, marcados pola actividade o primeiro equipo e as medidas sanitarias, serán os seguintes: día 14 en xornada completa, 16 en horario de tarde, 17 ao longo de todo o día, 22 pola tarde e 23 todo o día.
Os abonados poderán obter unha entrada gratuita para o tour que máis lles conveña a partir deste venres na web oficial do club: rccelta.es
As datas e horarios dispoñibles iranse actualizando na mencionada web en función do plan de traballo do primeiro equipo e as visitas manteranse mentres haxa demanda. A entrada aos tours será persoal e intransferible e por iso solicitarase identificación ao abonado titular da entrada para acceder ás instalacións.
