O Celta xoga o vindeiro domingo ás 18:30 horas en Xixón ante o Real Sporting, un partido sempre atractivo pola proximidade da cidade asturiana. Os abonados celestes que desexen asistir a este choque poden reservar desde hoxe a súa entrada por 30 euros nas billeteiras de Balaídos presentando o carné de abonado. As entradas poderán recollerse a partir do xoves nas billeteiras do estadio vigués, abertas de 10 a 14 e de 17 a 20 horas.
