Os afeccionados que este mércores acudan ao Estadio de Abanca Balaídos para presenciar o partido do RC Celta ante Osasuna deberán, en función da lexislación vixente, mostrar o certificado covid nos puntos de acceso.
Para evitar colas nas portas de entrada, é aconsellable que os seguidores leven o certificado xa preparado para mostralo, sexa en papel ou no móbil, co fin de axilizar o trámite, así como que acudan con suficiente antelación ao estadio.
