Esta semana, as instalacións deportivas de A Madroa acolleron o tradicional partido de Nadal entre os empregados e patrocinadores do RC Celta e diferentes representantes dos medios de comunicación.
A pesar de tratarse dunha xélida mañá de decembro, ningún dos participantes quíxose perder esta cita e todos puideron gozar novamente dun encontro apaixonante no que como sempre primou a deportividade e o compañeirismo. Finalmente, foi o conxunto formado polos traballadores do RC Celta o que se alzou coa vitoria pola mínima mentres que, como colofón final, todos xuntos brindaron por un 2025 cargado de éxitos.
Esta iniciativa é toda unha tradición dentro da institución celeste que cada ano se leva a cabo co obxectivo de estreitar lazos internos entre diferentes sectores do club. O RC Celta quere agradecer a todos os participantes a paixón e a unión coa que en cada edición acoden a esta cita, e desexarlles unhas felices festas.
Ata a próxima!
