O club envía o seu máis sincero pésame ás familias e amigos do expresidente e do exadestrador celeste
O RC Celta está de loito pola perda de dous membros da familia celtista, Jaime Arbones, presidente do club nos anos 70, e José María Maguregui, exadestrador celeste.
Jaime Arbones faleceu o domingo aos 70 anos de idade. O exmandatario céltico dirixiu a entidade viguesa entre 1977 e 1979, logrando o ascenso a Primeira División na 78-79. Pola súa banda Maguregui ocupou o banco olívico en tres etapas diferentes, entre finais dos anos 70 e principios dos 90, levando ao Celta á máxima categoría do fútbol español na súa primeira tempada ao fronte do equipo. O extécnico faleceu aos 79 anos de idade.
O Real Club Celta quere expresar o seu profundo pesar e enviar todo o seu agarimo e o seu máis sentido pésame ás familias e amigos de Jaime Arbones e José María Maguregui.
O funeral de Jaime Arbones terá lugar o xoves 2 de decembro ás 19:00 horas na Igrexa da Colexiata.
