Antes do comezo do partido do sábado gardarase un minuto de silencio na súa memoria
Loito na familia celeste polo falecemento nas últimas horas en Sevilla do ex futbolista Antonio Hidalgo Rodríguez, xogador do Real Club Celta entre as tempadas 1968-1976. O club quere expresar o seu profundo pesar por esta dolorosa perda e transmitirlles a familiares e amigos do ex futbolista celeste o seu máis sincero pésame, así como trasladarlle todo o seu agarimo e apoio.
Antes do comezo do partido deste sábado en Balaídos ante o Atlético de Madrid, gardarase un minuto de silencio en memoria de Antonio Hidalgo.
