Esta mañá, o Salón Regio da Sede acolleu a presentación de “Orgullo”, a Campaña de Abonados do RC Celta para a tempada 25/26. David González, Director da Área Celtista, foi o encargado de expoñer este novo e ilusionante curso, dirixido a fortalecer o vínculo especial que se creou entre o club e o celtismo nos últimos meses.
Durante a reunión cos medios, David González presentou detalladamente as claves e resultados obtidos na pasada campaña de abonados. Realizou unha análise exhaustiva dos aspectos positivos e das áreas de mellora, destacando as accións sociais e os eventos organizados durante a tempada.
Tras isto, expuxéronse as principais novidades de “Orgullo” e as claves para os posuidores do Carné Celtista Abonado da tempada 25/26, que vivirán este curso unha campaña inesquecible coa volta do equipo a Europa.
En canto a datas, a renovación de abonos comezará hoxe mesmo, martes 10 de xuño, a as13:30h e estenderase ata o xoves 19 de xuño; o cambio de asento ou bancada poderase facer do martes 24 de xuño ao venres 27 de xuño; a cobranza dos recibos irá do martes 1 ao sábado 5 de xullo; as novas altas do martes 1 de xullo ao venres 4 de xullo; e do venres 1 ao xoves 7 de agosto realizarase a cobranza do suplemento de Europa.
Os prezos de abonos por zona aparecen detallados na seguinte táboa:
A campaña de abonados 25/26 estará en marcha desde as 13:30h de hoxe, ata o 19 de xuño, en abonados.rccelta.es
DESCARGA AQUÍ EL DOSSIER INFORMATIVO DE LA CAMPAÑA DE ABONADOS 2025/2026 DEL RC CELTA
